Fiamme ùn ballanu solu
In u regnu di l’infernu.
In un paese di petra,
Una luce da l’attellu.
U martellu in a manu,
Lavurà un artighjanu.
Da l’alba fin’à l’areghju,
Stazzuna a so ànima.
È fa cantà l’alcùdina,
Aldilà di a muntagna.
Ellu scuntra l’emuzione
Quandu nasce una fiamma.
Omu di a tradizione,
Zitellu di a passione,
Unisce, cù u sapè fà,
Eri, oghje è dumane.
Da un pezzu d’u so core
À quellu chì sa riceve.